Pantun Minangkabau

Makan durian di pagi buto
Siangnyo kito makan galamai
Assalamualaikum pambuka kato
Marilah pantun kito mulai

Pai ka toko bangunan mambali panokok
Panokok dibali bawarna sirah
Oi… pandemi capeklah bakirok
Supayo kami bisa sikolah

Oi adiak rambahlah paku
Nak tarang jalan ka parak
Oi adiak ubahlah laku
Nak sayang urang ka awak

Bungo mawar banyak durinyo
Rancak dipandang katiko batamu
Main game ado wakatunyo
Karajoan dulu PR dari gurumu

Ado anak duduk di kursi
Sambia mambaok layang-layang
Kalau kito banyak prestasi
Ayah jo amak samakin sayang

Kaliliang kampuang naik kudo
Bajalan-jalan hinggo sanjo
Oi anak pabanyaklah mambaco
Karano mambaco banyak ilmunyo

Langik rancak mambiru
Galak manih si bungo taman
Dangalah nasihat guru
Amalkan dalam kehidupan

Tinggi badan samampai
Rancak elok parangainyo
Rajin baraja pangkal pandai
Samangaik taruih jan maleh juo

Bamain bola ka tanah lapang
Bola digiriang masuak ka gawang
Patuhilah protokol kesehatan
Supayo salamaik dari virus nan manyarang

Mandi tang aia sajuak rasonyo
Aianyo janiah tanang pulo
Jikok nafsulah marajo
Sumbayang jo sadakahlah ubeknyo